Dömustaðir - dömulegri en dauðinn

Hér búa Sísí og Kókó, átján karata gullgellur og sexí súperhetjur. Einnig The Handsome Hannesson og líka Queen Guggz.
Og Skrifa so!
Gjörasvovel að skrifa í...
GESTABóKINA
online

fallegt fólk og fleira...
..Brúðarbandið!
.. Netþýðandinn
.. Góðar stelpur
.. Metallicahhh
.. Uppskriftir
...Myndir
.. Ellsys
.. Blögg

Daglegt brauð
...BadMean&Ton
.....Skruddan mín
.....Hagfræðipönk
......Vantrúboðinn
.......Hörpuheimur
.........Hel til heljar
..........PulsuBjarni
..........Anarkistinn
...........Rokklingur
............Maggabest
.............Rokkarinn
.............Doktorinn
...............Fellibylur
...............Blindgata
...............Badabing
................Hnakkus
.................Katrín.ís
..................Marilyn
..................Raðskat
...................Gneisti
....................Muzak
.....................Þórdís
.....................Unnur
.....................Bedda
......................Hexia
......................Matur
......................Slátur
......................Gyðja
.........................Erna
.........................Orri
.........................Már
...........................Bre

Vefhringur
< ? iCeBloG # >






fimmtudagur, janúar 29, 2004
Sísí er orðin sólóisti
hérna.
Gjörisvovel og fáið ykkur, nóg til frammi.


13:41


(0) comments


þriðjudagur, janúar 06, 2004
Þetta eru andaslitrur Dömustaðna.
Þessa dagana hefur ekki mikið verið bloggað og það er af því að þegar endinn
nálgast missir maður alla ábyrgðartilfinningu og tilkynningaskyldu.
Hver er tilgangurinn? hugsar dama með sjálfri sér, þetta er hvort eð er allt
brátt á enda...
Mikil melódrama í gangi.
Svo erum við búnar að vera mikið þunnar á nýja árinu og andagiptin því
haldið sér í hæfilegri fjarlægð.

Afhverju búið?
Af því að Sísí er að flytja af Dömustöðum, og dúettinn Sísí & Kókó kemur
ekki fram sóló.
Því sóló er eins og mysingur.
Vont.

Hinsvegar munu fígúrur þær er á bakvið Sísí & Kókó standa, að öllum líkindum stofna síns eigins sólóblogg í náinni framtíð.
Kemur allt í ljós.

Au revoir, auf wiedersehen, farvel, bless...
(rómantísk tónlist)


11:29


(0) comments


föstudagur, janúar 02, 2004
2004.
Mjög fjútjúrístíst.
Hvar eru öll leðurklæddu vélmennin?
Nútíminn er bilaður.

Gamlárs var nú alveg milljón.
Kókó var með matarboð sem ég skrópaði í af því ég kaus að borða í faðmi fjölskyldunnar sem var búin að kaupa tvo magnaða sprengjupakka, plús að við fórum á Reykjalund á miðnætti hvar við stóðum frostbitin undir þessari líka fínu flugeldasýningu.
Svo brunaði ég á Dömustaði í alþjóðlegt partý og drakk Martíníflöskuna á 1 og 1/2 klukkutíma sem er mjög góður tími
Hér var mikið tvist og búgí en klukkan 4 dröttuðumst við Gummi bró á Grand Rokk og fylgdi partýið þangað rétt á eftir.
Misstum að sjálfsögðu af Dys, Heiðingjunum og 5tu herdeildinni, en Hraun var alveg að gerasig í stuðinu.
Takk
Muzak.
Við Kókó skakklöppuðumst heim um níuleytið á nýársdag, fengum okkur eitthvað að éta í stofunni sem ég man ekki hvað var og bölvuðum þeim sem ekki eru í náðinni hjá okkur.
Það er alltaf jafn gott.

Vaknaði kl 3 á nýársdag, labbaði fram og settist í stofuna og fékk amarískar pönnukökur með sýrópi, ristaðar beyglur, kaffi, djús og súkkulaðiköku með jarðarberjum á meðan við horfðum á Spinal Tab.
Fórum svo á Brúðarbandsæfingu, Danni Pollock lét okkur fá lykilinn að húsnæðinu svo við gætum æft.
Hann er tvímælalaust maður ársins.
Eftir æfingu fórum við á BSÍ og fengum okkur hina sveittustu handborgara sem framleiddir hafa verið (þurfti næstum því að borða hann með skeið) og á miðnætti varð andlát.

Góð byrjun á góðu ári.
Sísí


12:00


(0) comments


þriðjudagur, desember 30, 2003
Ein nótt eftir á næturvakt og svo viiiikufylleríííí.
Brúðarbandsæfing í kveld og hinn og hinn og hinn og svo ætlar Brúðarbandið að debútera í ammæli Kiddu Rokk á laugardaginn.
Afmeyjun brúðanna.
Döjööö hvað ég hlakka til.
Sísí


16:34


(0) comments


sunnudagur, desember 28, 2003
Jólahugleiðing... af því allir eiga að vera góðir á jólunum er það ekki?

Við Guggz og MelK vorum að spjalla í dag um hvað ríkt fólk getur verið ógeðslegt, sbr. Hagkaups-pakkið sem gifti sig og hélt brúðkaupsveislu fyrir 7 milljónir.
Þau hefðu getað haldið flotta veislu fyrir 5 milljónir og gefið 2 millur til fátækra, sagði MelK.
Til dæmis.
En þau gerðu það ekki því þau töldu mikilvægara að bólstra alla stólana í salnum í stíl við brúðkaupsþemað.
Ógeðslegt pakk.

Svo var ég að horfa á fréttir á Stöð 2 þar sem sagt var frá 19 ára breskri stelpu sem vann 2 milljónir í Viltu vinna milljón og hún gaf þær allar til munaðarleysingjahælis í Tælandi sem hún hafði heimsótt tveimur árum áður.
Hún sagðist í fyrstu hafa verið að spá í að halda ca 200 þúsundum fyrir sjálfa sig til að kaupa sér tölvu og jakka, en gerði sér svo grein fyrir því að fátæku börnin hefðu meiri þörf á þeim peningum.

Svona fólk gefur manni trú á mannkyninu.
Og veitir ekki af.
Sísí


19:27


(0) comments


Hahahaaaa... eitthvað fíbbl var að leita af "partí stelpur myndir brjóst" á Google og fyrsta leitarniðurstaðan var:

Dömustaðir - dömulegri en dauðinn
... Svona sætar og klárar og gáfaðar stelpur einsog við ... tól, tæki, tippi, píkur,
rassa, brjóst , dverga og ... gera nákvæmt skapalón af neðri parti hans sem ...
domustadir.blogspot.com/ 2002_11_01_domustadir_archive.html - 58k - Afrit - Svipaðar síður

Haahahhahaaaa!!!!


16:07


(0) comments


laugardagur, desember 27, 2003
Myndir af Brúðarbandinu gjöriðisvovel og gleðileg jól!


20:36


(0) comments


föstudagur, desember 26, 2003
Mon Dieu hvað Amelie er falleg mynd!
Horfði á hana í nótt og grenjaði mikið í restina yfir því hvað hún væri nú falleg og sönn.

Er í hálfgerðu emotional meltdown núna, bæði eftir myndina og svo er ég að hlusta á Bright Eyes (Perfect Sonnet var að enda, eitt bitrasta lag alheimsins og mér líður einsog ég hafi samið það).

Sit í náttfötunum sem mamma gaf mér í jóló og ætla ekki úr þeim fyrr en ég fer á hljómsveitaræfingu í kvöld.
Þamba kaffi með rjóma og spæni í mig konfektinu sem ég fékk í jóló.
Það er eini maturinn sem er til í kotinu.
Klikkaði á að reikna með því að þurfa að éta heima hjá mér þessi jólin sko.
Skil ekki hvað varð um mjólkina sem ég keypti í fyrradag til að eiga í kaffið (ég er ekki hrifin af rjóma í kaffið)...
Konfektið er fínt, en þetta er soldið of rjómaður matur fyrir minn smekk.

Jólin búin að vera fíííín.
Var búin að spá í því af alvöru að hætta að taka þátt í þessu jólarugli, en þegar ég var komin í faðm fjölskyldunnar gerði ég mér grein fyrir því hvað það væri mikil fásinna.
Það er ekki svo oft sem maður hangir með þeim og bullar og hendir í sig nammi.
Ekkert sjónvarp eða útvarp, bara Dolly í græjunum og endalaust stuð þrátt fyrir ofát.

Svo byrjuðum við í Brúðarbandinu jólin með því að halda hátíðaræfingu í brúðarkjólum með varalit klukkan 9 á aðfangadagsmorgun.
Held að það hafi algerlega reddað jólunum, stressið og ruglið rauk úr manni og gleðin kom.
Hlakka til að æfa í kvöld.
Þangað til ætla ég að vera í náttfötunum og æfa mig á gítarinn.
Sísí


16:04


(0) comments


þriðjudagur, desember 23, 2003

Gleðileg jóóóóól...


18:59


(0) comments


mánudagur, desember 22, 2003
Ég er svo djövulli væmin þessa daga eitthvað, sí-meir eins og íslenskt háfjalla lambakjöt, með kökk í hálsi. Það mætti halda að ég væri bara ólétt. Það væri þá eingetið. Hótaði Ésú ekki að koma aftur? (I´ll be back.....)
Það væri nú eftir öllu að ÉG gengi með það krakkahelv...

Atli ég sé ekki bara enn þunn eftir ævintýri laugardagskveldsins, var öflug að vanda í kokteiladrykkju, bjórdrykkju og skotdrykkju...bætti bara íslandsmetið held ég.
Sem hefur þá líklega verið míns eigins, eða Sísíjars, við erum meistaradömur.

Andskotinn, ég táraðist núna rétt í þessu bara, einhver kona hérna með öldruðum föður sínum að vera góð viðann.
Sem er fallegt, að sjálfsögðu, óþarfi að vera sígrenjandi samt.
Ég meina, ég er fokkíns Rokkaradama héddna!!

Ég held ég borði ekki nógu mikið súkkulaði.

Hmpffff...

Kókós


15:04


(0) comments


Ég er svo þreytt og þunn að ég get ekki sofnað.
Þarf samt að vakna snemma í fyrramálið til að losna við jólaös í búðunum svo ég geti keypt jólagjafirnar í friði fyrir jólafíbblum.
Er komin með bjór og vonast til að ég drepist af honum.

Ég var í alveg drep-skemmtilegu partýi í gær faktíst.
Við sem settum upp Vinur minn heimsendir hittumst heima hjá leikstjóranum, sem hafði fyrirskipað öllum að koma með skemmtiatriði og lofaði verðlaunum fyrir besta atriðið.
Keppnisskapið í mér rauk upp úr öllu valdi svo ég mætti með frumsamið lag og byrjaði keppnina og var handviss um að ég fengi verðlaunin.
Þegar hinir fóru af stað með sín atriði gerði ég mér grein fyrir vandanum, ég var að keppa við atvinnuleikara og annað fólk með ákveðna skammta af sjálfstrausti og sjálfsvirðingu.
En ég reyndi samt að láta mig dreyma um þriðja sætið sem bauð flottustu verðlaunin (appelsínugulur Kjarnkraft nei takk-límmiði).
Þegar Lolla mætti sem Jólasveinninn og gaf öllum gjafir vissi ég að 1. sætið væri nú frátekið (Kúrekahattur í verðlaun).
Elma lauk keppninni með free-style dansi sem var 2. sætið uppmálað (gullkveikjari), og ástmaður leikmyndahönnuðarins stal af mér 3. sætinu (og límmiðanum) með öööömurlegu jóladóna-lagi sem var líka frumsamið, en miklu ver frumsamið en mitt.
Það var þó huggun harmi gegn að leikskáldið misskildi keppnina eitthvað og var sjálf búin að skipuleggja aðra keppni sem hún þá lagði fram sem sitt skemmtiatriði.
Það var frjósa-í-dansi-keppni og ÉG MOÐERFOKKÍNGS VANN HANA!!!
Að keppni lokinni þambaði ég það sem eftir var úr Martíní flöskunni minni og sníkti svo far með dvergnum útá 22 hvar ég hitti frú Kókó und za krawd.
22 er ekki dáið og orðið að teknóhelvíti einsog við vorum hrædd um, neinei ó sveisvei, við dilluðum okkur dátt við Guns´n´roses, Poison, AC/DC (úú, TNT var spilað í gær, eitt nördalegasta þungarokkslag eeever), Pixies, Ramones og meira og meira nammigott flaut útúr hátölurnum oní eyrun á okkur og útum lappirnar aftur.
Bliss.
Kíktum svo á Kaffibarinn þar sem ég hitti Unni og drakk með henni dræ vodka úr mjólkurglasi.
Á meðan sátu Kókó og Halla á móti kallaklósettinu og görguðu "Rass" á strákana.
Við hlið þeirra sat Krummi með blondínu í einni og blondínu í annarri.
- Áttu sígó?
- Salem?
- Lights?
- (Bosir og gerir OK með fingrunum) Gemmér.

Tssss, ljóshærður með sítt hár og Salem lights - Krummi er kellíng.

Djöfulli snjóar.

Ég hef áætlað vöknun eftir 6 tíma.

´cus I´m TNT
dynamite...
Sísí


02:41


(0) comments


Þetta eru gagnleg netvísindi -- nú veit ég hvað ég get látið fólk kallað mig þegar ég fer til Japans:

Ichi
Ichi -

Sísí, nei ég meina Ichi


02:03


(0) comments


laugardagur, desember 20, 2003
Hó hó jólablablabla og jólablablabla...
Allt í vaðandi jóladrasli á Dömustöðum, Gummi bró mættur á staðina líka svo við erum fimm hérna um jólin og megum hafa eins mikið drasl og skít og við viljum!
Svo förum við öll í foreldrahús á aðfangadag þar sem mömmurnar eru búnar að þrífa allt í spað og baka smákökur og kökur og elda jólamat.
Gæti ekki verið einfaldara og/eða betra.
Það eina sem dama þarf að gera fyrir jólin er að kaupa jólagjafir.
Á eftir að kaupa þær allar reyndar og er að spá í að gera það á mánudagsmorgun til að sleppa við að hitta fólk í búðunum.

Djamm í kveld og svo kemur Brúðarbandið í brunch á Dömustaði í hádeginu á morgun, eftir það fer ég í jólakaffi til ömmu og svo laufabrauðagerð með systrunum.

Kökur og vín.
Það eru jólin.
Sísí


13:56


(0) comments



Fara upp



Manifestó Dömustaða

Að vera dama er ekki að vera sífellt skúrandi gólfin á háhæluðum skóm með varalit.
Að vera dama er djöfulli töff og kúl.
Að vera dama er að vera meðvituð um kvenleikann en láta hann ekki yfirbuga sig.
Að vera dama er að njóta þess að vera kona og ekki láta kúga sig vegna þess eins að kona er dama. Eða dama er kona.
Að vera dama er að njóta þess að vera háhæluðum skóm þegar dömu langar eða strigaskóm þegar dömu langar.
Dama hefur gaman af að vera í háhæluðum skóm, en hún fer úr þeim ef þeir eru óþægilegir.
Það er líka dömulegt að vera í strigaskóm.
Dama nýtur þess að mála sig og hefur gaman af öllum þessum litum, en hún finnur öngva þörf fyrir að mála sig, dama getur látið sjá sig utanhúss ómáluð og skammast sín ekki.
Dama fer út í búð á náttbuxunum og hefur gaman af.
Dama fer í gallabuxum á skrifstofuna og hugsar ekki er í lagi að mæta í gallabuxum á skrifstofuna.

Dama lætur ekki kúga sig.

Dama lætur ekki kúka á sig.

Það er bara ógeðslegt

Teljari